Ginatun-an eon it Department of Agriculture ro pagpabaskog sa produksyon ag marketing it bawang sa bilog nga nasyon.
Suno kay Department of Agriculture Undersecretary Cheryl Marie Natividad-Caballero, mabahoe ro potensyal it garlic production sa Pilipinas.
Ginhalimbawa ni Caballero ro Ilocos garlic nga suno kana hay gustong-gusto it ibang mga nasyon sa pihak it maintok kara nga sukat.
Suno sa opisyal nga nagahimo eon it nagakaigong programa ro ahensya agud nga masuportahan ag mapreserba ro garlic heritage it Ilocos nga dati eon man nga ginatawag bilang ‘Ilocos white gold’.
Base sa datos it Philippine Statistics Authority(PSA), ro garlic production it nasyon hay 2.6% eamang it dag-unan nga demand nga 146,879 metriko tonelada kon sa siin ro mga probinsya it Ilocos Norte, Nueva Ecija, ag Batanes ro nagapangunang prodyuser.
Target sigon it Department of Agriculture nga mapataas ro production it bawang sa bilog nga nasyon ag maabot ro maskin 20% nga domestic production hasta sa masunod nga dag-on.
