KALIBO, Aklan—Nagapati ro sangka negosyante sa Kalibo nga mabahoe nga bulig ro pagpatag-od it curfew hours sa mainland Aklan umpisa ko Pebrero 3 agud nga makabangon ro mga negosyo.
Madumduman nga base sa ginpaguwa nga advisory ni Governor Florencio Miraflores, umpisa ko Pebrero 3 hay 11PM hasta 4AM eon ro curfew halin sa dating 9PM to 5AM.
Ginpahayag ni Albert Manalo nga mabahoe nga kita pa ro andang posibleng pagakita-on partikular sa andang negosyo nga food cart ag restaurant matapos nga ginbawasan eon ro curfew hours.
Hugut sigon nanda nga ginapatuman ro health and safety protocols maskin sa andang outdoor ukon al fresco dining.
Bilang bulig sa mga pumueuyu nga nagakalisod makaron nga tiempo it pandemya, padayun sigon imaw nga naga-offer it libreng lamination sa vaccination card it mga fully vaccinated eon nga mga indibidwal partikular ro mga tricycle drivers nga nagabiyahe sa banwa it Kalibo.
