Ginapa-imbestigahan eon man sa House of Representatives ro kasong pagpatay kay Negros Oriental Gov. Roel Degamo.
Pilang mga mamalidha ro nagdihon it resolusyon para imbestigahan ro pagpatay sa gobernador.
Raya ro House Resolution No. 825 nga ginbaeay nanday Representative Jefferson Khonghun (Zambales); Sancho Fernando Oaminal (Misamis Occidental); Marie Bernadette Escudero (Sorsogon); Francisco Paolo Ortega (La Union); ag Midy Cua (Quirino).
Si Degamo hay gintambangan sa sueod mismo it anang compound sa Barangay San Isidro, Sitio Nuebe Pamplona, kun siin natiempo man ro pagpanupod kara it ayuda.
Samtang, tuyo it mga mamalidha sa pagdihon it resolusyon hay para matapna eon ro mga kaso it pagpatay ag pag-atake sa mga politiko.
Gusto man it mga Kongresista nga makaangkon it madaeom nga imbestigasyon, ag matumod man ro mga posibleng motibo it mga krimen.
