Pagpatigayon it face to face classes sa mga lugar  nga una sa Alert Level 1 ag 2,  magapadayun  sa  pihak it  pagtaas eon man it  kaso  it COVID 19

NATIONAL News —- Padayun ro pagpatigayon it face-to-face classes sa mga lugar nga  una sa  idaeum it Alert Level 1 ag 2.

Raya ro  ginpahayag ni Education Undersecretary Malcom Garma sa pihak it  pagtaas it COVID-19 cases eabi eon sa Metro Manila.

Suno  kay Garma, manageable man ro mga nailistang kaso sa mga Alert Level 1 ag 2 areas.

Sa idaeum it guidelines it IATF, pagasuspendihon eamang ro face-to-face classes kon ipaidaeum eon ro sangka  lugar sa Alert Level 3 ag 4.

Sa makaron hay ginapabugae ni Garma nga sa pihak it pagtaas it nailistang  kaso it COVID-19 hay  owa sanda it napabalitang transmission sa mga eskwelahan.