KALIBO, Aklan—Gin-insister it Department of Tourism (DOT) Region 6 nga owa nanda ginapasugtan ro pagpatigayun it okasyon ukon party sa mga hotel base sa Joint Memorandum Circular Number 2020-003 it DOT ag Department of Trade and Industry (DTI).
Pagklaro it ahensya, ginapasugtan eamang ro pagtililipon sa mga hotel ag restaurants kung raya hay may kaangtanan sa trabaho kapareho it seminars, workshops ag iba pa.
Raya hay kasunod it balita nga may nagpatigayun it party sa mga kwarto sa daywang hotel rooms sa syudad it Iloilo.
Gindugang pa it ahensya nga indi pwedeng magbaton it mga kliyente ro mga nasambit nga establisyemento nga ginagamit nga quarantine facility.
Samtang, padayun man ro pag-engganyo sa publiko nga magbaskasyon kamana man magbook sa mga accredited hotels and resorts para makabulig sa uman nga pagbangon it ekonomiya.
