KALIBO, Aklan—Padayun nga ginaproseso it lokal nga gobyerno sa banwa it Kalibo ro pagpatindog it panibag-ong public market.
Suno kay municipal planning and development coordinator Engr. Marlou Villanueva nga kan-o eamang hay nakipagpueong sanda sa Development Bank of the Philippines may kaangtanan sa paga-utangon nga pundo it LGU agud nga makabakae it eugta nga temporaryong pagabutangan sa mga vendors samtang nga gina-construct ro nasambitan nga proyekto.
Sa pihak kara, nagpahayag eamang sigon ro DBP nga dapat hay i-proseso anay ro mga nagakaigo nga dokumento.
Bangud kara nagaeaum man sigon si Mayor Emerson Lachica nga mapaburan eun it sangguniang bayan ro proposisyon bangud raya hay para sa ikamayad sigon it banwa.// Engkasong maaprubahan hay mapadasig ro proseso agud nga mairelease ro gina-utang nga pundo it LGU para sa nasambitan nga proyekto.
Sa pihak nga parte, ginpahayag man ni Sangguniang Bayan Member Augusto Tolentino nga gusto eamang makarun ni Vice Governor Atty. Reynaldo “Boy” Quimpo nga mag-usoy eun lang ro LGU kalibo it ibang eugta bilang substitute sa owa gin-aprubahan idto sa barangay Andagao.
Mag-euwas sa Kalibo public market hay sakop man it nasambitan nga budget ro iba pang proyekto it banwa kapareho it mga tikang sa COVID-19 pandemic kapareho eamang it pagtukod it 16 ka mga quarantine facility sa kada barangay.
