-- ADVERTISEMENT --
NATIONAL News–Target it Department of Justice ukon DOJ nga makapatindog it regional prisons sa masunod nga dag-on.
Kasunod raya it desisyon it departamento nga eubusan eon nga bue-on ro New Bilibid Prisons (NBP) sa Muntinlupa City.
Ginpahayag ni Justice Secretary Jesus Crispin Remulla nga posibleng sa 2025 hay maging operational eon ro hasta ap-at nga regional prisons partikular ro pagpatindog it super maximum sa Mindoro Province.
Ginaplanuhan man sigon nanda nga magsueod sa Public Private Partnership (PPP) kaibahan ro local government units agud nga makapatindog it bag-ong kulungan ag eubusan eon nga maisarado ro NBP nga magiging sangka government center.
