KALIBO, Aklan — Padayon nga ginabawaean ro pagpatitueo it eogta sa isla it
Boracay.
Raya ro ginklaro ni Community Environment and Natural Resources Office (CENRO)-Boracay head Atty. Richard Fabila sa tunga it nagakalhit nga balitang naga-proseso sanda it land titling.
Sambilog sigon sa residente ro nagpadueong sa “one stop shop” it Boracay Inter-Agency Task Force daea ro anang tax declaration ag gustong mapa-titueuhan ro anang eogta.
Nauna eon kara nga nagpaandam ro Department of Environment and Natural Resources-Environmental Management Bureau (DENR-EMB) sa mga establishment owners sa isla nga likawang makipag-transaksyon sa mga fixer.
Base sa datos it DENR, kapin sa one-third eamang it isla ukon 292 ektarya ro may land title nga ginapanag-iyahan it sangka pamilya.
Kaeabanan sa mga land claimants hay nagabayad it tax declarations sa sueod it masobra sa 30-anyos.
Ginabawae ro pagpatituoe it eogta sa Boracay matapos ideklarang tourist and protected zones it dating diktador nga si Ferdinand Marcos ko 1978.
