Kalibo Aklan —– Ginklaro it Presidential Assistant for the Visayas nga bukon it order ukon mando ro ginpaguwa ni Michael Diño kaangot sa pagpatuman it 24 oras nga curfew sa mga senior citizen nga naga-edad it 65 anyos pataas agud nga malikawan nga magkalhit pa ro 2019 coronavirus disease ukon COVID-19 pandemic.
Suno kay Asst. Jonjie Gonzales, raya hay encouragement eamang ukon enjoined sa mga local government units nga magpatuman it nasambitang tikang bangud nga sanda ro vulnerable sa nasambitang sakit partikular kon may mga komplikasyon nga sakit.
Ginpaathag dugang ni Gonzales nga ro Department of Interior and Local Government (DILG) eamang ro may poder nga magpapanaog it order ukon mando sa mga LGU’s.
Ro ginpaguwa sigon nga memorandum ni Diño hay encouragement eamang bangud sa nagapadayon nga pagtinaas it kaso it mga natamaan it COVID-19 sa nasyon.
Sa makaron, nagaabot eon sa 380 ro kumpirmadong kaso it COVID-19 sa nasyon.
Sa nasambitang numero, 25 ro namatay ag 17 ro naka-recover.
