KALIBO, Aklan–Kadungan it unang session sa idaeom it bag-ong administrasyon sa banwa it Kalibo, gintalakay it mga Sangguniang Bayan members ro proposed updated internal rules.
Suno kay Kalibo SB member Augusto Tolentino nga owa man it gin-amend sa proposisyon bangud nakabase raya sa local government code.
Sa ginpatigayun nga session, nagtao man it mensahe si Vice Mayor Dr. Cynthia Dela Cruz ag SB member Philip Yerro Kimpo Jr. bilang pag-welcome kay Mayor Juris Bautista Sucro.
Ginpaathag man sigon ni Mayor Sucro ro anang plano para sa Kalibo ag nag-apela it pagbuylog para mataw-an raya it katumanan.
Kaparte man it session ro pagpili it chairmanship sa mga komitiba it SB members.
Ro Committee on Rules and Ordinances; Committee on Agriculture, food and Cooperative ag Committee on Women, Family, Relation and Population hay pagadumaeahan ni SB member Atty. Christine Dela Cruz.
Ro Committee on Peace and Order, Public Safety and Disaster; Committee on Tourism and Promotions and Special event; Committee on Public Utilities and Energy ag Committee on Consumers Protection hay pagabuytan ni SB Ronald Marte.
Samtang, ro Committee on Education, Culture, History, Sciences and Arts; Committee on Budget and Appropriations, Finance and Ways and Means ag Committee on Informational and Communications and Technology hay pagapangunahan ni SB Philip Yerro Kimpo Jr.
Kamana man ro Committee on Games and Amusement; Committee on Human Resource and Good Government and Public Accountability; Committee on Environmental protection and Natural resources ag Committee on Health and social welfare hay pagadumaeahan ni SB Ketchie Luces.
Ro Committee on Infrastructure and Public works ag Committee on Economic enterprise hay pagabuytan ni SB Raymar Rebaldo.
Si SB Tolentino man ro magiging Chairman it Committee on Difference affairs and Disable ag Committee on Human Rights.
Magapabilin man nga Chairman it Committee on Transportation si SB Matt Aaron Guzman.
Samtang si SB William Lachica Jr. ro Chairman it Committee on Business, Trade and Industry.
Ro Committee on Barangay Affairs hay pagapangunahan ni SB Nelson Repiedad ag si SK Rommelyn Quimpo ro magapanguna sa Committee on Youth and Development.
