Uman nga ginpaeawig it Municipal Economic Enterprise Development Office (MEEDO)-Kalibo ro deadline sa pagproseso it mga meat vendor sa andang mayor’s permit agud nga makapakatay it baboy sa slaughter House hasta sa Marso 15, 2023.
Suno kay MEEDO-Kalibo Head Mary Gay Quimpo-Joel nga raya hay matapos nga maabu ro nag-apela sa andang taeatapan nga pahabaon pa ro naunang gintaeana nga deadline bangud sa delay nga pagpirma ni Kalibo Mayor Juris Sucro sa andang dokumento.
Nasayuran nga bangud sa gulpiyadang pagdeklara it holiday ko Pebrero 24 hay owa nakaeusot ro andang mga papeles bangud sa owa it opisina.
Sa makaron, temporaryong ginpasugtan ro mga vendors nga makapakatay it baboy kung may maigapakita nga pamatuod nga nagaproseso sanda it nasambit nga permit kapareho it pag-settle sa andang mga baeayran sa munisipyo.
Angot kara, base sa datos it MEEDO-Kalibo kapin sa 80 porsyento eon ro nakasikyar it mayor’s permit sa Kalibo Public Market.
Madumduman nga nauna eon nga nagpaguwa it polisiya ro LGU-Kalibo nga striktong pagpatuman it “no mayor’s permit, no katay policy” sa slaughter house
