KALIBO, Aklan–Ginpaathag ni Kalibo Sangguniang Bayan member Ronald Marte nga aprubado eon ro anang ginproponer nga Resolution Number 336 nga tuyo nga mag-alokar it pondo para sa pag-purchase it sangka unit it fire truck para sa Municipal Disaster Risk Reducation and Management Office (MDRMO)-Kalibo fire brigade.
Apang, ginklaro it opisyal nga owa pa it budget nga naka-alokar para kara.
Nagapati si Marte nga mabahoe ro maibulig it fire truck sa pagresponde it mga katapo it MDRRMO eabi eon kung may insidente it sunog.
Dapat sigon nga makompleto ro gamit it taeatapan agud nga insigidang makabulig sa oras it emerhensiya.
Samtang, aprubado eon man ro anang ginproponer nga resolution ko nagtaliwan nga dag-on nga mataw-an it speed boat ro MDRRMO.
Suno kana, aprubado eon ro pondo sa pagbakae kara kamana man nga naeakip raya sa annual investment plan.
Ginaeauman nga makabakae eon ro lokal nga gobyerno sa buean it Agosto ukon Setyembre.
Tuyo sigon kara nga makaangkon it dugang nga kagamitan sa pagresponde sa eawod ukon kasubaan engkaso nga kinahang-eanon ro andang serbisyo.
