KALIBO, Aklan — Nagkaeain-eain nga anggulo ro nagaguwa makaron sa pagresign Nobyembre 18 bilang chairman it Boracay Foundation Incorporated (BFI) ni Dr. Henry Chusuey, tag-iya it kontrobersiyal nga Henann Group sa isla.
Sa sangka sueat sigon it BFI para sa andang mga miyembro, ginapahayag nga nagresign raya sa kabaeakang inde kara maobligahan it husto ro trabaho bangud sa mga nakataeanang biyahe sa ibang nasyon.
Apang, may nagahambae man nga uwa nagsumite it anang resignation si Chusuey sa baylo nga gin-istorya eamang kara ro Board.
Si Leonard Tirol, tag-iya it White House Resort ro temporaryong nagbueos kana sa pwesto.
Nakataeana sigon nga magpatigayon it eleksyon ro BFI sa Hulyo 2019 para sa mga bag-ong opisyal kara.
Sa Facebook page ni Tirol, ginapahayag nga bangud sa pressure ag frustration rason nga nagresign si Chusuey.
Nasayuran nga padayong nakasarado ro mga resorts it Henann Group bangud sa pag-eabag sa pilang regulasyon it Boracay inter-agency task force sa pihak nga maabo sa andang mga miyembro hay naka-comply eon sa mga requirements it gobyerno.
