KALIBO, Aklan–Plantsado eon ro nagahilapit nga bakbakan ni Filipino WBC featherweight world champion Mark Magsayo kontra kay former world champion Rey Vargas sa paeaabuton nga Hulyo 9.
Ginpahayag ni Bombo International Correspondent Pinoy Gonzales it USA nga gina-abangan it tanan ro hampang it daywa nga kampeonado eabi eon sa mga taga Mexico.
Ro Ginbansagan nga battle of unbeatens hay igatigayon sa San Antonio, Texas sa idaeom it Premiere Boxing Champion.
Dugang pa ni Gonzales nga mabahoe sigon du tyansa sa kadaeag-an ni Magsayo bangud sa kaabtik kara ag kabaskog it kamao apang kinahangean sigon nga igapibilin nga mabaskog ro resistensya kara.
Pag-angkon sigon it mapag-on nga resistensya ro makabig nga sangka epektibo nga teknik para masikyar kara ro kadaeagan.
Samtang,sa makaron hay presente nga nagatraining si Magsayo sa Southern California sa idaeom it legendary boxing coach nga si Freddie Roach.
