KALIBO, Aklan—posibleng sa buean eon it mayo mapursige ro pagsaylo it mga vendors ag stalls owners it Kalibo public market sa andang temporaryo nga relocation site sa eastern side terminal sa San Lorenzo Drive, Kalibo .
Raya ro ginpahayag ni Mary Gay Quimpo-Joel, head it Municipal Economic Enterprise and Development Office ukon MEEDO-Kalibo matapos nga napas-eawan ro andang original nga schedule makaron nga Abril.
Suno kana nga sa makaron hay owa pa natapos ro pag-construct it pilang pasilidad sa pagasaylohan nga terminal area sa atubang it sangka mall sa F. Quimpo St. Extension, Kalibo.
Sa oras nga ma-transfer eon ro mga raya hay makasaylo man ro mga vendors sa terminal area kun sa siin nakaplastar eon ro tanan mag-eowas sa pagabutangan it dry section.
Nagadali man sigon ro LGU-Kalibo nga mabakante eon it mga vendors ro andang mga pwesto sa tindahan agud nga maumpisahan eon ro construction it bag-ong kalibo public market nga ginaeauman nga matapos sa masunod nga dag-on.
