KALIBO,Aklan– Sa bulig it kooperasyon it mga pumueuyo ag hugot nga pagbantay it mga otoridad, makabig nga generally peaceful ro selebrasyon it kapistahan ni Sr. San Juan de Bautista sa mga baybayon nga sakop it it banwa it Numancia.
Raya hay sandig man sa inisyal nga assestment it Numancia PNP angot sa nasambit nga selebrasyon.
Suno kay PCPT. Maricel Guevarra, Chief of Police it Numancia PNP nga owa sanda it nailista nga anumang insidente it pagkaeunod.
Naging hugot sigon ro pagbantay it katapo it MDRRMO, kapulisan kamana man ro Coastguard Aklan ag mga opisyales it tagsa ka barangay sa peace and order sa nasambit nga banwa.
Angot kara, sambilog sigon sa ginrespondehan nandang insidente hay ro pagbunggo it maintok nga baruto sa sangka nagapaligos nga bisita.
Naigo sigon kara ro likod ag ueo nga porsyon it biktima.
Kun sa siin ginpakamayad nga gindaea eon lang raya sa ospital para sa nagakaigong pagbueong.
Suno man kay Benny Apolinario, team 1 head it MDRRMO Numancia nga haeos vehicular incidents ro andang ginrespodehan sa sang muhapon nga selebrasyon kahapon it nasambit nga kapistahan.
Ginaeuman sigon nanda nga mas pang magabuhos ro mga beachgoers makaron nga adlaw Dominggo.
Sa kabilugan suno kay Apolinario hay naging matawhay ag malinong ro andang pagselebrar it kapistahan ni Sr. San Juan kahapon nga adlaw it Sabado.
