KALIBO, Aklan—Mas pang ginhugtan ro pagsikyar it QR code sa Caticlan Jetty Port sa mga turista, Aklanon ag maskin sa mga residente nga pasueod ag pagguwa sa isla it Boracay.
Sandig sa ginapagguwa nga Executive Order 042 Series of 2020, ginakinahang-ean nga mag-presenta it Quick Response (QR) Code pinaagi sa pag-fill up it personal nga impormasyon sa touristboracay.com nga pagagamiton it mga turista sa sueod it 12 oras.
Tuyo kara nga mapadasig ro contact tracing pinaagi sa paglocate it mga lugar bilang pagsunod sa health protocols.
Kung madumduman, an-om nga mga turista halin sa National Capital Region (NCR) ro gin-aresto sa ginatiniran nga hotel sa Boracay bangud sa pagpameke it mga raya sa andang RT-PCR Test Result ag sa bulig eon man it QR Code hay madali nga na-trace it mga otioridad ro lokasyon it mga raya.
