KALIBO, Aklan—Batyag eon it sektor it transportasyon ro epekto it mabahoe nga pagtaas sa presyo it produktong petrolyo sa nasyon.
Suno kay Federation of Kalibo Tricycle Operators and Drivers Association Inc. ukon FOKTODAI President Johnny Damian nga grabeng kalisod ro gintuga kanda it pagpatuman it masobra limang piso nga pagtaas sa presyo it petrolyo.
Sa pihak kara, owa pa sigon sanda it ginahimo nga tikang bangud nagaeaum sanda nga makaangkon man it pagnaba sa presyo sa maabot nga mga dominggo.
Ginapamatyagan pa sigon nanda ro sitwasyon bangud kinahang-ean raya nga timbangon it mayad antes magbaeay it sangka plano.
Nauna eon nga ginhinyu ni Pangueong Rodrigo Duterte sa Kongreso nga uman nga i-review ro Oil Deregulation Law matapos ro sunud-sunod nga pagtaas it presyo it produktong petrolyo.
