KALIBO, Aklan – – – Hugot nga gin pamalibaran ni Executive Assistant to the Mayor Rowen Aguirre it LGU-Malay nga may kaangtanan ro pagsueod it Macau Based Casino Resort nga Galaxy Entertainment sa nakataeanang pagpasara sa isla it Boracay.
Sa makaron sigon hay owa pa it naga katabong pag-proseso it requirements agud maging legal ro pagpatukod ag operasyon it negosyo it Casino Resort.
Gin hayag ni Aguirre nga bago pa man nagtuhaw ro isyu sa Boracay, habakae eon it Galaxy Entertainment ro 23 hectares nga eugta nga Alienable and Disposable ro classification.
Naga kahueogan nga pwede rayang patituluhan bukon it kapareho sa forest lands.
Gina sugid nga iga tukod ro integrated resort sa Sitio Sugod, sa likod nga porsyon it Manocmanoc, Boracay nga makabig nga maeayo sa central district.
Madumduman nga nakaangkon it partnership ang Leisure and Resorts World Corporation ag Macau based Casino Resort owner nga Galaxy Entertainment Group agud mag invest it $500 Million integrated resort sa Boracay nga maga daea sa isla sa international standard of island resorts.
