-- ADVERTISEMENT --
KALIBO, Aklan—Mag-eowas sa face mask hay nagapabilin nga mandatory ro pagsuksok it face shield kung nagapanindahan sa kalibo public market.
Suno kay Abel Policarpio, market supervisor it kalibo public market nga owa sa gihapon sanda it nabatun nga direktiba nga puwedi eun nga indi magsuksok it face shield rason nga gina-engganyo sa gihapon ro mga mamaeakae nga magsunod sa ginapatuman nga health protocl agud makalikaw sa penalidad.
Gin-insister man kara nga nakadepende sa municipal inter-agency task force kung pagaboe-on eun ro pagpatuman it mandatory nga pagsuksok it face shield.
Madumduman nga nauna eun nga nagpahayag si Pangueong Rodrigo Duterte nga puweding indi eun magsuksok it face shield, mag-eowas eamang sa mga matawo nga lugar.
