Pagsuksok it face shield sa tanan nga mga establisyemento sa Kalibo, bukon eon it mandatory

KALIBO, Aklan—Ginapapatuman eon sa tanan nga mga establisimento komersiyal  sa banwa it Kalibo ro mandu ni Mayor Emerson Lachica nga  bukon eon it mandatory ro pagsuksok it  face shield.

Raya hay matapos nga ginpadaehan ro mga raya it kopya it anang  ginpirmahan nga resolusyon.

Suno sa alkalde nga ro amat-amat  nga paghaeuga hay  matapos nga ginbutang ro Aklan sa alert level  2.

Pahayag pa ni Lachica nga  boluntaryo eon lang ro pagsuksok kara.

Ro importante suno kana hay ro pagsuksok  gihapon  it face mask  ag  pag obserba it physical distancing.

Nasayuran nga maabu nga mga pumueuyu ro nagahambae nga sabeag eamang sa andang pagginhawa  ro face shield ag medyu gina-obra eamang it  iba nga ‘kulorete’ sa ueo ag owa man ginasuksok it  tama.