Indi eon pag i-require it Department of Education ukon Dep-ed ro pagsuksuk it uniporme sa mga studyante sa mga pangpublikong skwelahan sa nagahilapit nga pagsueod it bag-ong school year.
Suno kay Vice President ag DepEd Secretary Sara Duterte, antes paman ro pagpaeanasa it pandemya owa eon gina striktohan ro pagsuksuk it mga school uniforms sa mga pangpublikong skwelahan.
Raya hay sandig man sa DepEd order No. 065 series of 2010, nga kung siin raya hay para malikawan ro dugang gastos sa mga pamilya it studyante.
Samtang, gin-insister pa ni Duterte nga indi dapat pag pwersahon ro mga studyante nga magsuksuk it uniporme kapin sa makaron sa tunga it krisis ro nasyon partikular sa padayon nga pagtinaas it mga baeakeunon ag ginapangatubang nga kalisod it nasyon sa ekonomiya bangud sa pandemya.
