-- ADVERTISEMENT --
Ginkalipay it Philippine Travel Agency Association ukon PTAA ro naging tikang it Marcos Jr. Administration sa pagsuporta kara sa sektor it turismo.
Ginpahayag ni Philippine Travel Agency Association member Bing Sadol nga mabahoe ro andang pagpasaeamat sa presenteng administrasyon ag sa Department of Tourism (DoT) sa nagiging resulta it uman nga pagbangon it sektor it turismo sa nasyon.
Sambilog eon kara ro naging working visit it Pangueo sa Tokyo, Japan nga sambilog sa nagapangunang agenda kara hay ro engganyuhon ro nasambit nga nasyon nga magbisita sa Pilipinas para adtonan ro mga ginapabugae nga tourism sites sa nasyon.
