NATIONAL News —- Owa gina-rekomenda it Department of the Interior and Local Government (DILG) nga pataasan ro carrying capacity it Boracay maskin pa nga sa tunga it pagbuhos it mga bakasyunista sa isla.
Raya hay matapos sumipa sa 22,000 ro numero it mga turista sa Boracay ko nagtaliwan nga Semana Santa.
Suno kay DILG Usec. Epimaco Densing, magapabilin sa 19,215 ro carrying capacity it isla ag dapat limitahan it otoridad ro tourist arrivals sa 6,000 hasta 7,000 kada adlaw agud nga maprotektahan ro isla.
Nagpaandam pa si Densing nga engkaso nga mag-eabag ro isla nga sundon ro carrying capacity kara hay pagataw-an it show-cause order ro mga lokal nga opisyal it Malay, Aklan agud nga ipaathag ro sitwasyon.
Samtang, sa makaron hay owa man sa plano it DILG nga ibalik ro “Laboracay” ukon ro nakasanayan nga summer party festival kada Mayo 1 ukon Labor day sa isla it Boracay.
