Ginkalipay it palasyo ro pagtaas it employment rate sa Pilipinas ko Marso.
Suno kay acting presidential spokesman Martin Andanar raya hay nagakahueugan eamang nga epektibo ro calibrated strategy it gobyerno kapareho it pagsaylo sa COVID-19 Alert level system.
Ginpahayag pa ni Andanar nga bangud sa nasambit nga sistema hay mas maabu pa nga mga negosyo ro nagbukas ag mas maabung Pilipino ro nakabalik sa trabaho samtang ginpabaskog ro COVID-19 vaccination drive.
Kumpiyansa man si Andanar nga mas pang maga-nami ro employment situation sa nasyon bangud sa konkretong plano it gobyerno agud nga eubusan nga makabangon ro ekonomiya.
Base sa report it Philippine Statistics Authority (PSA), naga-abot sa 94.2% ro employment rate sa nasambit nga buean nga ginakabig nga pinakamataas nga employment rate umpisa ko April 2020.
