KALIBO, Aklan—Epektibo eon sa nobyembre 17 ro dugang nga P33 sa adlawan nga sweldo it minimum wage workers sa pribadong sektor sa Western Visayas.
Raya ro ginpahayag ni Department of Labor ang Employment (DOLE) Regional Director Atty. Sixto Rodriquez .
Suno kana nga gin-aprubahan it Western Visayas regional wage board ro P33 daily wage increase para sa private sector workers sa rehiyon.
Para sa non-agriculture workers sa commercial ukon industrial businesses nga may trabahante nga masobra sa 10, ro aprubadong wage hike hay P33 nga magaresulta sa minimum wage para sa sector sa P513 halin P480.
Ro mga negosyong may 10 nga trabahador ukon mas sangkiri pa kara hay magabaton it P35 nga umento, nga magadaea sa andang adlawan nga sweldo sa P485 halin sa P450.
Ro mga trabahador nga pang-agrikultura mat-a hay makabo-oe it P40 nga umento nga magadaea sa andang adlawan nga sweldo sa P480 halin sa P440.
Dugang pa ni Atty Rodriquez nga gin-aprubahan man ro P1,000 monthly increase para sa ‘kasambahay’ sa rehiyon nga magadaea sa monthly minimum wage nga P6,000.
Ro wage orders hay iga-publish sa Nov. 2 ag magiging epektibo sa Nov. 17.
Ro mga bag-ong rates para sa mga trabahador sa pribadong sektor hay nagsaka it 7 hasta 9 nga porsiyento halin sa presenteng ginapatuman nga adlaw nga minimum nga sweldo sa rehiyon.
Ginaeauman nga direktang magapanipueos ro 193,032 minimum wage earners.
