Naexperiensiyahan makaron sa bilog nga kalibutan ro pagtaas it numero it mga overweight ag obese.
Ginpahayag ni Jovita Raval, pinuno it National Nutrition Council Nutrition Information and Education Division, nga bukon eamang ro sobrang pagkaon ro rason it grabeng pagtambok it sangka tawo.
Ginpaahayag pa ni Raval nga mas mataas ro tyansa it mga raya nga makaangkon it ibang sakit kapareho it diabetes, sakit sa puso, ag iba pa.
Gin-engganyo man ni Raval ro mga lokal nga gobyerno nga magpatuman it ordinansa agud nga ibawae ro pagbaligya it mga bukon it masustansiyang pagkaon maeapit sa mga eskwelahan eabi pa ag madali eon lang ro pagbalik it face-to-face classes.
Dapat man sigon nga magbueuligan ro Department of Education ag DSWD agud nga maduso ro pag-angkon it tamang nutrisyon it mga unga.