Nagakabaeaka ro Department of Health (DOH) sa publiko kontra sa mga posibleng sakit nga daea it sobrang katambok ukon obesity ag overweight ukon sobrang timbang.
Base sa datos it Department of Science and Technology-Food and Research Institute (DOST-FNRI), nailista ro 3.9% it obesity rate sa mga unga hasta limang dag-on ag 14% sa lima hasta napueong dag-on.
Suno kay DOH Officer-In-Charge Maria Rosario Vergeire, ro sobrang katambok hay pag-umpisa it diabetes, sakit sa tagipusuon, stroke ag iba pang bukon it ordinaryong baeatian.
Sambilog sa mga ginaturo nga rason ni Vergeire it pagtaas it obesity rate ro kakueangan it pisikal nga aktibidad ag maabu nga online food order ko kasagsagan it COVID-19 pandemic.
Nagpadumdom man ro taeatapan nga dahanan ro kaeawasan ag magkaon it tama nga pagkaon.
