Ginkondena ni Leody De Guzman, national president it partido lakas ng masa (PLM) ro padayon nga pagsaka it presyo it petrolyo sa Pilipinas, nga suno kana hay mabahoe ro epekto kara sa mga drayber ag sa presyo it mga produkto.
Suno kay De Guzman, apang may epekto ro giyera sa Ukraine, Iran ag problema sa Strait of Hormuz sa pagsaka it presyo it krudo, kinahangean man nga maghimo it aksyon ro gobyerno agod mapaeawig ro presyo it petrolyo.
Ana nga ginkontra ro mataas nga VAT ag excise tax sa gasolina, ag ginapanawagan ro pagsuspinde kara sa tunga it krisis.
Ginpahayag man nana nga dapat repasuhon ukon bag-uhon ro oil deregulation law agod may mas mabahoe ro kontrol it gobyerno sa presyo it petrolyo.
Samtang, ginpahayag ni De Guzman nga may mga paghueag nga ginaplano sa Metro Manila ag Western Visayas bilang protesta sa padayon nga pagsaka it presyo it petrolyo
