KALIBO, Aklan—Pagaeauman makarun ro mabahoe nga epekto sa business sector it nasyon bangud sa gulpiyada nga pagtaas it presyo it produktong petrolyo.
Suno kay Ramil Buncalan dating presidente it Philippine Chamber of Commerce and Industry (PCCI- Aklan) nga mag-euwas sa direktang epekto kara sa mga driver’s nga nagabakae it gasolina sa andang mga saeakyan hay maapektuhan man ro mga ordinaryong indibidwal kapareho it mga commuters engkasong magpasaka euman it pamasahe.
Samtang posible man nga magtaas ro presyo it iba pang mga produkto sa merkado publiko bangud sa dugang man nga gastos it mga forwarders nga naga-deliver it andang produkto sa mga probinsiya.
Maga-aray man ro mga mangingisda ag farmers nga nagagamit it gasolina para sa andang makinarya.
Madumduman nga umpisa ko buean it Agosto hay nag-abot eun sa P7.15 centavos ro gintaas it presyo it gasolina sa nasyon.
Haeos waeong magkasunod man nga dominggo ro natabong oil price hike.
Sa makarun hay nagtaas man it kapin sa P1.90 centavos hasta P2 ro kada litro it gasolina.
Samtang kapin man sa 1.50 centavos sa presyo it diesel ag 1.40 centavos man sa kerosene.
