Epektibo eon ro paggamit it 3% nga pagtaas it biodiesel mix halin sa dating mandatory 2% blend.
Ro biodiesel blend hay ro pagtaas sa 3% nga halo it coconut methyl esther sa diesel.
Suno kay Energy Under Secretary Alessandro Sales nga ginpaguwa ro nasambit nga mandato ko nagtaliwan nga buean it Mayo rason nga nataw-an sigon it bastante nga tyempo ro mga kumpanya it langis nga makapag adjust ag maipahaom ro produkto.
Ro nasambit nga tikang hay nagatuyo sigon nga makasunod ro nasyon sa biofuels law, mabuligan ro mga mangunguma it niyog nga magbaho ro kita ag mabuhinan ro greenhouse gas emission.
Sa idaeom it laye, kada dag-on hay nagataas ro biodiesel mix ukon nagasaka sa 4% pag-abot it 2025 ag 5% sa 2026.
Ginpahayag dugang ni Sales, ginahimo kada dag-on ro transition para inde man makibot ro mga naga proseso sa bio refineries ag makadungan sa demand.
