NATIONAL News — Gin-anunsyo it Philippine Coffee Board (PCB) ro posibleng pagtaas it presyo it kape.
Suno kay PCB president ag co-chair Pacita Juan, posibleng magtaas it kapin sa 20 porsiyento ro presyo it kape bangud sa hugut nga global supply ag mas mataas nga kantidad.
Apang makapanipueos sigon kara ro mga mangunguma kon makahimo man sanda it manami nga kalidad it coffee beans.
Ginpahayag nga ro farm-gate price it robusta, ro pinaka gina-prodyus nga klase it kape hay nag-doble sa P350 kada kilo halin sa P180 samtang nag abot man sa P320 per kilogram ro commercial-grade coffee.
Base man sa ginpaguwa it Department of Trade and Industry (DTI) nga suggested retail price ukon SRP it kape ko nagtaliwan nga buwan, ro 25-gram coffee refill it Blend 45 hay nagtaas it masobra sa P2, halin sa P18.50 hay naging P20.25.
Ro 25-gram man it Great Taste premium coffee ag 50-gram Great Taste premium coffee hay nagahampang sa P21.60 ag P42.20.
Samtang, ro bag-ong SRP para sa 26-gram it Nescafe Original hay gintaeana sa P7.75.
