May bendisyon it Department of Trade and Industry ukon DTI ro pagpataas sa presyo it mga baeak-eon.
Ginpahayag ni Trade Undersecretary Ruth Castelo, kapin sa 2 hasta 10 porsyento ro ginsaka sa presyo it mga nagapangunang baeak-eon.
Gin-aku kara nga maabu sanda nga hinyu nga nabaton nga mga mabahoe nga porsiyento ro gustong ipatong sa presyo it mga baeak-eon.
Apang ro pinakamabahoe nga gin aprubahan it DTI hay 10 porsiyento ag may una man nga daywa , tatlo, ag ap-at nga porsiyento.
Ginklaru man ni Castelo nga sa 212 nga produkto nga una sa “shelf-keeping units” nga nakabutang sa bulletin it DTI, kapin sa 82 nga produkto eamang ro nakaangkon it pagbag-o sa presyo.
Kaibahan sigon sa mga nagtaas ro presyo hay ro mga ilimnon nga tubi nga naka-bote ag naka-container; processed milk; instant noodles, kape ag asin.
Aminado si Castelo nga indi mapugngan ro paghueag it presyo it baeak-eon bangud nga nagtaas man ro presyo it raw material ag ingredients sa pag-obra.
Ginpahayag pa ni Castelo nga nakaapekto man ro pagtaas it presyo it produktong petrolyo bangud sa gin-obra nga pag-atake it Russia sa Ukraine.
