Pagtaas  sa  presyo it  mga produktong  nagagamit it trigo, eauman eon 

Pagaeauman eon ro pagtaas  man sa  presyo it instant noodles, pasta, biskuwit, ag iba pang produkto sa  nasyon  nga nagagamit it  trigo.

Suno kay Wilson Flores, sangka bakery owner ag ekonomista, raya hay tuga  it global wheat shortage  bangud  sa giyera sa tunga it  Russia ag Ukraine, nga parehong  nagapagunang  supplier it trigo.

Suno kana nga dapat nga mag-isip  eon ro gobyero   it mga pamaagi   ukon maggamit it  ibang local ingredients  agud nga  indi masyadong  magsalig ro nasyon sa imported wheat.

Ginpahayag pa ni Flores nga tiempo  eon  agud nga mas maging creative ro mga Pilipino sa paggamit it mga alternatibong sangkap sa pag-obra it tinapay, bagay nga nahimo man ko tiempo it kasagsagan it COVID-19 pandemic.