KALIBO, Aklan—Nagapati ro grupo it mga pamatan-on nga mabahoe ro epekto kanda it sunod-sunod nga pagtaas sa presyo it mga produktong petrolyo sa nasyon.
Ginpahayag ni Raoul Danniel Abellar Manuel, National President it Kabataan party-list nga batyag eon nanda ro domino effect it dugang-presyo sa langis partikular sa mga nagapangunang baeak-eon sa mga baealigyaan ag transportasyon.
Agud nga mapunggan ro mas grabe pang epekto it bigtime nga oil price hike, dapat eon nga kontrolon it gobyerno ro mga daeagkuan nga industriya it langis sa nasyon.
Dugang pa kara nga dapat pundohon eon ro pagsukot it excise tax sa petrolyo nga ginpatuman bangud sa TRAIN Law ni Pangueong Rodrigo Duterte.
Raya sigon hay nagtuga it mabahoe nga epekto sa mga ordinaryong pumueoyo bangud ginpanaba kara ro value it atun nga kwarta.
