Epektibo eon makaron nga adlaw ro mabahuean nga pagtaas sa sukot sa presyo it produktong petrolyo.
Ginpatuman kaina it alas-6 it agahon it mga kumpaniyang Chevron Philippines ukon Caltex, Flying V, Petron, Pilipinas Shell ag SeaOil Philippines ro P2.70 nga pagtaas sa sukot sa presyo it kada litro it gasolina; P6.55 man ro dugang nga sukot sa kada litro it diesel; samtang P5.45 man ro ginsaka sa kada litro it kerosene.
Magapatuman man it kaparehong presyo ro Cleanfuel, Petro Gazz, Phoenix Petroleum Philippines ag PTT Philippines mag-eowas eon lang sa presyo it kerosene.
Samtang, magapatuman man it kaparehong presyo ro kumpaniyang Cleanfuel hindunang alas-8 it agahon ag Caltex nga magapatuman hindunang alas-12 it udtro adlaw.
Nasayuran nga raya eon ro ikaywang sunod nga domingo nga pagtaas sa presyo it produktong petrolyo
