Ginpamilit it mga abogado, sa pagpanguna ni Atty. Israelito Torreon, nga indi pwedeng mag-tabok sa 20th Congress ro impeachment trial kontra kay Vice President Sara Duterte.
Suno sa andang petisyon sa Korte Suprema, nagaeabag raya sa prinsipyo it “legislative discontinuity,” nga naga-hambae nga ro tanan nga nakabinbing proceedings sa kongreso hay awtomatikong natatapos sa pagtapos it presenteng kongreso.
Ginbatikos ni Torreon ro Senado sa uwa pagsunod sa Article 44, Section 123 it Senate Rules, nga nagataeana it “termination” it nakabinbing istorya kadungan it pagtapos it 19th Congress.
Dugang pa nana, uwa pa it nalistang kaso it pagtabok it nakabinbing istorya halin sa sangka kongreso paadto sa masunod.
Gindihon man it grupo ro sangka supplemental petition nga nagsugod it tatlong punto it pageabag sigon sa Konstitusyon angot it pagpadayon it impeachment trial.
Ginhinyo nana sa Korte Suprema nga ipawalang-bisa ro anumang tikang nga magapasugot sa impeachment trial nga magpadayon sa bag-ong kongreso.
