Nag-apela ro manaba nga kapueongan it kongreso sa Department of Trade and Industry (DTI) nga magtaeana it ‘price ceiling’ sa mga school supplies.
Nagakabaeaka si Quezon City Rep. Ralph Tulfo nga sa pagbukas ag pagbalik sa eskwelahan it mga estudyante hay posibleng panipuslan ro pagtaas sa presyo it mga school supplies, school uniforms ag iba pang gamit sa pag-tuon.
Ginpamilit ni Tulfo, dapat ipatuman it DTI ro regulasyon kara sa school supplies sa pagtaeana it price ceiling bilang nagapangunang produkto sandig sa Price Act ag Republic Act 7581.
Laygay pa it mamalidha sa DTI ag maging sa lokal nga gobyerno nga kon makaron pa eamang hay nakikita eon nanda ro nakataeanang pagtaas sa presyo it mga gamit sa eskwelahan, dapat nga aksyunan eagi raya agud nga indi mabudlayan ro mga ginikanan ag mga estudyante.
Pwede sigon nga istoryahon it DTI ag LGU ro mga manufacturers it school supplies sa andang lugar agud nga masiguro ro manabang presyo ag bastanteng suplay it mga kagamitan sa eskwelahan.
Kadungan kara, gin engganyo man nanda ro mga eskwelahan nga indi magpataas it matrikula ag iba pang school payments.
