Pagtamyaw, padayon nga nagabuhos matapos maka-gold medal sa uman si Carlos Yulo sa Asian Championship sa Qatar

 Padayon ro pagahakot it padtamyaw ro  Pinoy Olympian nga si Carlos “Caloy” Yulo matapos nga makuhit ro  gold medal sa floor exercise sa katatapos eamang nga 9th Senior Artistic Gymnastics Asian Championships sa Doha, Qatar.

Nakatipon si Yulo it 14.933 score sa anang performance, rason nga mapiyerde ro mga atleta maghalin sa Korea nga si Kim Hansol ag si Yang Jiaxing maghalin man sa China.

Sa makaron si Yulo eon ro ginakilaeang Asian champion sa nasambit nga event.

Ro 22-anyos nga si Yulo hay nasikyar man ro  silver medal sa men’s individual all-around.

Samtang, kaibahan man sa mga nagtamyaw kay Yulo hay ro Qatar Gymnastic Federation ag ro  Olympic Games federation.