Ginpasaka sa 6.5% it Asian Development Bank (ADB) ro economic growth forecast it nasyon halin sa dating 6% nga initial forecast ko buean it Abril.
Suno kay Philippines Country Director Kelly Bird, ginaeauman ro mas pang pag-umwad it ekonomiya it nasyon bangud sa mas ginhaeugaan nga covid-19 mobility restrictions, expansion it vaccination program, rebound sa investments ag household consumptions maginga ro Manila-based lender.
Mag-eowas kara, nagmayad man ro unemployment rate kun sa siin nagnaba raya it 6% halin sa dating 7.7% samtang nagtaas man ro employment rate, remittance inflows ag pag-umwad it public infrastructure projects it nasyon sa pag-umpisa it dag-on 2022.
Samtang, owa eon ginbag-o it ADB ro anang growth projection sa dag-on 2023 nga nagapabilin gihapon sa 6.3%.
