-- ADVERTISEMENT --
KALIBO, Aklan—Makabig nga simple ag mahipos ro selebrasyon it Valentine’s day sa nasyon it Nigeria.
Raya hay bangud nga owa nauso idtu ro pagtaeaw-an it bueak ag regalo sa tunga it mag-asawa ukon magkarelasyon.
Suno kay Bombo International Correspondent James Ryan Agcol, sangka Engineer ag tumandok it Bacoor City, Cavite nga kaeabanan sa mga tawo kun Valentine’s day hay naga-adto sa simbahan para idtu magselebrar.
Suno kana, may pilang establisyemento kapareho it clubs ag restaurants ro nagatanyag it mga Valentine’s day promo para sa mga magkarelasyon.
Apang, owa sigon haeos it may nagabaligya it bueak sa mga shops.
-- ADVERTISEMENT --
Maskin sigon ro mga kababayin-an sa Nigeria hay masyadong praktikal bangud mas gusto it mga raya ro cash kaysa magbaton it bueak.
