KALIBO, Aklan—Nagapabilin nga malinong ro banwa it New Washington.
Raya ro ginpahayag ni Police Executive Master Sargeant Joseph Agnate Jr. it New Washington Municipal Police Station kasunod it pagtapos it pagdihon it certificate of candidacy it mga aspirante nga magapadaeagan sa maabot Barangay and Sangguniang Kabataan Election sa Oktobre 30 it presenteng dag-on.
Suno pa kay PEMS Agnate nga aware eon ro publiko sa mga rules and regulations nga ginapatuman pinaagi man sa information dissemination sa bulig it media practitioners ag maging sa mga posted information sa social media.
Angot kara, may ginapatigayon sanda nga comelec checkpoint mag-eowas pa sa regular checkpoint nanda nga ginahimo sa mga strategic areas sa banwa.
Nagaapela gihapon sanda it kooperasyon sa mga pumueoyo partikular sa mga motorista agud nga tayuyon nga maging malinong ag matawhay ro paaeabuton nga eleksyon.
