Naging madinaeag-on ro pagtapos it ika-26th Sports Fest it lokal nga gobyerno it Kalibo nga gin-umpisahan ko Setyembre 26 ag nagtapos kahapon Setyembre 30.
Suno kay Ms. Sharon Dusaban Moises it tourism department it LGU Kalibo, ginpatigayon kabi-e ro awarding night sa Magsaysay park kon siin may mga prizes nga nabaton ro mga teams nga nagdaeaog.
Naging highlights sa awarding ceremony ro search for Binibining Ginoo 2022, LGU family bonding ag pa-concert it banda nga maghalin sa Metro Manila.
Ro Sports Fest it LGU makaron nga dag-on hay may temang: “Transforming Public Service in the Next Decade: Honing Agile and Future-Ready Servant-Heroes”.
Raya hay kaparte it selebrasyon it ika-122nd Philippine Civil Service kon siin dag-unan raya nga ginapatigayon it LGU.
Apang, bangud sa pandemya hay temporaryo raya nga napaiway sa sueod it daywang dag-on.
Tuyo kara nga madevelop sa mga empleyado ro sportmanship, unity ag iba pang pag-inugali bilang kaparte it empleyado it gobyerno.
