KALIBO, Aklan—Ginpabaskog it mga pulis ro pagtugis sa suspek sa pagpatay sa beteranong mamamahayag ag dating OIC mayor it banwa it Kalibo nga si Juan “Johnny” Dayang.
Ginmanduan ni Philippine National Police (PNP) chief Gen. Rommel Marbil ro mga yunit it PNP nga tugison ag arestuhon ro suspek.
Nagtanyag ro gobyerno probinsya ag lokal nga gobyerno it Kalibo it pabuya nga P500,000 para sa sin-o mang makatao it impormasyon nga pwedeng maging daean sa pagkaaresto it suspek.
Si Dayang, nga nagtrabaho sa mass media sa nagkaeain-eain nga kapasidad hay ginbaril ag napatay sa anang baeay sa Barangay Andagao, Kalibo ko Abril 29.
Base sa rekord, may dating kaso ro suspek ag naaresto sa sangka operasyon kontra sa illegal nga droga sa Pasig City ko Mayo 2021.
