KALIBO, Aklan — Ginpaathag it Philippine Atmospheric Geophysical and Astronomical Services Administration (PAGASA)-Iloilo nga kaeabanan nga nagatuhaw ro fog ukon ham-og kon sigidas ro pag-uean ag gulping mag-init ro tiempo.
Raya ro ginpahayag ni Michael Viola it PAGASA-Iloilo matapos nga ginkahangaw-an it mga pumueuyu partikular sa banwa it Kalibo ro madamoe nga fog bandang alas-5:00, Huwebes it aga-aga.
Nagapabilin sigon ro moisture content sa kaeugtaan kon mauean ag sa oras nga mag-init ro ground hay amat-amat raya nga nagiging liquid form nga nagaresulta sa fog nga nagatuhaw antes ro pagbut-eak it adlaw .Nasayuran nga medyu may clouds ukon daeaura sa kaeugtaan ko Huwebes it aga-aga mag-eowas pa nga maeamig ro tiempo .
Samtang, gindugang pa ni Viola nga bangud sa low visibility hay dapat sigon nga mag-doble dahan ro mga motorista agud nga makalikaw sa disgrasya .
Delikado man sigon raya sa mga mahina ro immune system bangud sa maeamig nga tiempo.
