Suportado it sangka senador ro pagtukod it strategic petroleum reserves sa nasyon nga ginasueong it Department of Energy (DOE).
Ginpahayag ni Senate Finance Committee Chairman JV Ejercito nga nagakinahangean it bastante nga reserba it langis para sa energy security it nasyon ag para masabat ro naga-grabeng epekto it krisis sa langis.
Ginpamilit ni Ejercito nga kinahangean ro petroleum reserve bilang pagpahaum kon uman nga makaangkon it krisis.
Nakita sigon raya sa natabu nga giyera sa Middle East sa tunga it Amerika, Iran ag Israel nga nagkaproblema sa supply ag sumirit it husto ro presyo it langis sa world market kat ginsarado ro Strait of Hormuz.
Base sa plano it DOE, ginpahayag ni Secretary Garin nga magapatindog sanda it mga tangke para mabutangan it stock it langis nga magakinahangean it P5 million nga pondo, kun sa siin target nga paga-doblehon ro 60 days nga presenteng imbentaryo it langis ag obrahon nga 120 days nga suplay.
