HEALTH News–Magiging parte it igapatuman nga food stamp program it gobyerno ro health literacy ag behavioral change.
Ginpaathag ni Department of Social Welfare and Development (DSWD) Sec. Rex Gatchalian nga gusto nanda nga bag-uhon ro saea nga konsepto nga kon barato hay bukon it masustansya ag bukon it manami ro pagkaon.
Base sigon sa idaeum it programa, pagatur-an man ro mga benepisyaryo sa bulig it Food and Nutrition Research Institute ag pribadong sektor nga mag-eaha para sa pamilya it lima it masustansiya, barato ag manami nga pagkaon.
Gindugang pa ni Gatchalian nga dugangan ro mga Kadiwa nga paga obrahon nga bagsakan it produkto it mga mangunguma para sakdagon raya it mga benepisyaryo.
Ginsegundahan man ni Health Sec. Ted Herbosa nga owa sigon naila it tinuea eabi eon ro mga pigado bangud nga ro anda man nga gustong kaunon hay ro ginabakae it mga manggaranon sa fast food nga bukon man it masustansya.
Ginpamilit kara nga owa dapat it may nagakasamad nga ani nga tinuea it mga mangunguma bangud nga raya hay masustansyang mga pagkaon nga kinaghangean it mga tawo .