Ginbatikos it pilang mga mamalidha ro naging pahayag ni Vice President Sara Duterte nga tiwala imaw nga ma-absuwelto sa impeachment trial.
Suno kay House Assistant Majority Leader Jay Khonghun ag Deputy Majority Leader Paolo Ortega, nga indi mabuoe it kumpiyansa ni VP Sara Duterte ro mag mabug-at nga pamatuod sa mali sigon nga paggastos sa anang confidential funds.
Madumdumang sa Articles of Impeachment nga gindihon kontra kay VP Sara, gingasto nana ro P125 million-peso nga haega it confidential funds sa sueod eamang it 11 adlaw ku 2022 kun siin maga-abot sa masobra 612 million pesos ro haega it confidential funds nga ginamit ni VP Duterte.
Uman nga ginpamilit ni Ortega ro mga peke ukon kaduda-dudang indibidwal sa pagpameke sigon it mga transaksyon sa nasambit nga pondo. Nagpaandam man si Khonghun sa paggamit it political alliance para maimpluwensyahan ro magiging resulta it impeachment trial.
Dugang pa ni Ortega, bukon it sangka political maneuver ro impeachment, kundi pagtaguyod sa Konstitusyon ag pagprotekta sa pondo it nasyon.
