Nakakabaeaka ro pahayag ni Vice President Sara Duterte nga may “bending the law” sa impeachment proceedings bangud possible raying magtuga it pagdududa sa integridad it proseso ag it Impeachment Court.
Suno kay House Prosecution counsel Atty Benjamin Tolosa, ro makarayang akusasyon hay madja nagapahiwatig nga may mga pageabag sa laye nga ginapasugtan sigon it Senado ag it presiding officer, maskin uwa man raya it klaro nga basehan.
Ginpamilit man ni Tolosa nga maayos ag patas nga ginadumaeahan it presiding officer ro pagbista, bagay nga ginkilaea man sigon it kampo it depensa sa mga naunang pahayag.
Depende eon sigon sa desisyon it presiding officer kun paalin tan-awon ro pahayag ni Duterte ag kun raya baea hay makabig nga pag-atake sa integridad it impeachment process.
