KALIBO, Aklan — Pake-paketeng ginadudahang ginpamaeang dahon ag hash it marijuana nga nakasueod sa sangka paper bag ro nadiskubreng gin-abandona sa baggage counter sa sueod it sangka mall sa F. Quimpo St., Kalibo, Aklan.
Suno kay Police Superintendent Richard Mepania, hepe it Kalibo Police Station, ro operasyon hay ginpangunahan ni Philippine Drug Enforcement Agency (PDEA) Regional Director Cristina Cabatingan.
Sangka concerned citizen sigon ro nagpaabot it impormasyon sa pulisya kaangot sa abandonadong paper bag nga uwa nabueo agud maimbestigahan.
Kat tan-awon ro sueod hay nadiskubre ro tatlong transparent plastic sachet ag daywang rolyo it dried marijuana leaves ag daywang rectangular case nga may marijuana hash.
Samtang, dismayado si P/Supt. Mepania sa uwa eagi pagta-o it CCTV footage it pamunuan it mall sa pag-eaum nga maabutan ag madakpan pa ro mga suspek.
Nagapadayon pa ro imbestigasyon it pulisya ag PDEA sa insidente.
